Di dla Unité Ladina
14:00 - CORVARA
Defileda con la Mujiga da Corvara,
en recort di 80 agn
da la manifestazion sun l Jouf dl Sela
14:30 - CIASA DE COMUN DE CORVARA - Salf dles manifestazions
Prejentazion de de bones pratiches ladines
y di filmac „Pedies tla Ladinia“
- Mozion dla UGLD
- Al cianta y sona Anita Obwegs
- Renfresch
Union di Ladins dla Dolomites
Chesta plata internet rejona dla Union di Ladins dla Dolomites. La Union Ladina a Dispruch é vegnuda metuda su per l prum iade dl 1905 da Wilhelm Moroder-Lusenberg y d'autri. Ala vegn rateda la predezessoura dla Union Generela di Ladins dla Dolomites che recorda perchel chest ann dl 2005 i "100 agn de Union Ladina".
Desche la Union Ladina a Dispruch dl 1905 é ence les unions ladines nasciudes do la seconda vera mondiala y unides encuei tla Union Generela di Ladins dla Dolomites, animedes dal medem spirit, chel de mantegnì y de promueve la unité linguistica y culturala dla Ladinia y de cialé de tegnì su les tradizions, la toponomastica y les particolarités ladines. La Generela se tol dant de renforzé la coscienza ladina te duc i ciamps, ence tres i mass media, dantaldut tres sie organ de stampa “La Usc di Ladins”.
Luciano Pompanin vizepresidënt dla UGLD per Sëuramont dla provinzia de Belun, Roland Verra, presidënt dla UGLD y Fernando Brunel, vizepresidënt dla UGLD per Fascia dla provinzia de Trënt.