Union Generela di Ladins dla Dolomites

Publizierte Artikel

L Colloquium scientifich de Neudrossenfeld

N sada ai 20 de mei saràl l colloquium scientifich dal titul "L ladin - mantenì la tradizion, la cultura y curé la rujeneda ladina"
La Usc di Ladins

Dala diesc danmesdì inant nchin ala cater domesdì saràl l colloquium scientifich ladin. Tla pert danora puderà i muderadëures Gerd Otto y David Lardschneider saludé na lingia de autoriteieis: la presidënta dla Union Generela di Ladins dla Dolomites Milva Mussner, l presidënt raionel Landrat Klaus Peter Söllner, l Consul unerer Peter Verbata, l ambolt de Neudrossenfeld Harald Hübner, l diretëur generel dl Chemun de Neudrossenfeld Rainer Schimpf, l Consul Hans-Peter Schmidt, l presidënt dla Lia Europeica che urganisea i dis S. D. Prinz Michael von und zu Liechtenstein, espunënc dla Diplomazia y dla Istituzions europeiches, reprejentanc dla Fiera de Bulsan y na delegazion istituzionela de Apeldoorn di Paejes Basc.

L program:
Paroles de salut dla presidënta UGLD Milva Mussner.

L muderadëur David Lardschneider fej na panoramica curta n con' di Ladins y dla Ladinia.

Referat de mpuls de Ruth Videsott, filologa tl'Università de Bulsan: „L svilup atuel tl lingaz ladin y tla cultura ladina".

Performances cun juesc de paroles per ladin, de Rut Bernardi, studiëusa de leteratura, publizista y autëura.

Referat de mpuls de Lukas Plancker, aucat LLM dl'aucatura dla Provinzia de Bulsan: „La scunanza dla mendranza ladina sot al pont de ududa dla garanzia dla reprejentanza politica di ladins".

Caricatures de Manuel Riz, caricaturista, artista satirich, nseniant dl Istitut d'Ert de Fascia, prejentedes da David Lardschneider.

Referat de mpuls de Elfriede Perathoner, storica, autëura y nsenianta dla Scola Mesana: „I Ladins danter fascism y nazionalsozialism".

Referat de mpuls de Roland Verra, scritëur y publizista: „I ladins dla Dolomites: chances y ndesfidedes".

Referat de mpuls de Mateo Taibon, redatëur dla RAI Ladinia: "I media ladins danter doi de gran rujenedes".

Descuscion davierta cun l publich.

Contlujion dl Colloquium ladin.

Curnisc de mujiga: Trio d'ëiles de Gherdëina cun Otto Dellago.